Deshatgardi, Ome mein 27 sala girftar

Kal 7 january eik bhot bare operation ke natahij mein 15 afraad ko deshatgardi our smuggling ke jurm mein ghirftaar kiya ghea, Brescia ke ilaqe Ome mein eik 27 sala tunisian ko b ghirftaar kiya ghea. Yeh nojwaan kuch arse se apni biwi our chote bache ke sath is ilaqe mein reh rha tha, lekin kal se yeh Canton Mombello mein hirasat mein hai kiunke yeh, beshak mahmoli tor par, eik criminal tanzeem mein mulabis payea ghea hai. Yeh nojwaan our 14 is ke hamwatan mukhtlif jurmo mein malabbis paye ghe jin mein gheir kanooni tanzeeme, mujarmana immigration our gheir kanooni mali sargarmiyon shamil hai , in ilzamat ki bunaid pe in ko Palermo mein hirasat mein le liya ghea.

Ghirftaar karni waali police Brescia, Plaermo, Trapani our Caltasinetta ke mukhtlif stations ki Ros police thi. 27 sala nojwan jo ke Brescia ka rehais-pazeer hai, jo ke Franciacorta ki eik company mein kaam karne ke liye Sicilia se ayea tha, is ne apne eik hamwatan ki mezbaani ki thi our us ko eik London ke liye ticket, mobile our kuch raqam b di thi. Jummerat 10 January ko muqqadme ki samat ke liye judge ki taraf se ibtadai tehqeeqat ki jaye ghi. Our doosre 14 afraad ke liye, wo eik haqeeqi tanzeem shuru kar rehe the jis ke zariye wo Nord Africa se motoscaf ke zariye migrants ko Sicilia muntaqil kar ske.